1. सतत खूप ढेकर येतात, काय उपाय करावा?

उत्तर- सतत ढेकर येणे हा एक पचनशक्ती बिघडल्याचा आजार आहे. कित्त्येक रुग्णांना तर हात , पाय दाबले, गर्दीत गेले अंग दाबले गेले तरी ढेकर येतात. कदाचित मांसगत वात सारखी लक्षणे पण त्यांना असू शकतात. योग्य निदान करून उपचार घ्यावेत. साधारण भाजलेला हिंग व कोमट पाणी किंवा शेवग्याच्या मुळांच्या रसात दोन चिमूट भाजलेला हिंग टाकून दिल्यासही ढेकर कमी होतात. दिवसभर कोमट पाणी पिणे, थोडं उपवास करणे व रात्री झोपताना गंधर्व हरितकी किंवा एरंडेल तेल पिणे, मूग भात खिचडीच खाणे. तात्काळ आराम मिळतो.

2. सतत ओकारी आल्यासारखे वाटते, काय करावे?

उत्तर- सतत ओकारी आल्यासारखे वाटत असल्यास लवंग व जायपत्री द्यावी. किंवा लवंग दाताखाली धरून बसावे. काहींना दह्यामध्ये कमलाक्ष वाटून घ्यावे, ओकारी तात्काळ थांबते. आजार खूप जुना असल्यास जुन्या तुरटीची राख मधात द्यावी म्हणजे लवकर बरे वाटते.